Hoffmanns Eventyr
av Jaques Offenbach
Opera Nordfjord innbyr til operapremiere på fantasioperaen Hoffmanns Eventyr av Offenbach 5. oktober i Operahuset Nordfjord!
Vi kan by på både sprudlande musikk med den kjende Barcarole, fantasifulle karakterar, flotte korparti, spenstige dansarar og fargerike kostyme. Hoffmann strevar med kunstnaren sin kamp. Han må ta valet mellom kunsten og kjærleiken. Må han verkeleg forsake kjærleiken for å ofre seg heilt for kunsten? Svara får du i Operahuset Nordfjord 5.-15. oktober.
Solistane som skal tolke dei mange rollene er Thomas Ruud i tittelrolla, Trond Halstein Moe, Ditte Höjgaard Andersen, Ann-Helen Moen, Angelica Voje, Ketil Hugaas, Siv Oda Hagerupsen, Jan Erik Fillan og Magnus Kjeldal. Regissør vert Ronald Rørvik og dirigent er Michael Pavelich, og produksjonen har tidlegarer vore oppsett både i Operaen i Kristiansund, Ringsakeroperaen og som turnéversjon ved Den Norske Opera & Ballett.
Med kun seks framsyningar er det lurt å vere tidleg ute for å sikre seg dei rette plassane på den rette framsyninga. Premiere er onsdag 5. oktober, øvrige framsyningar vert 7., 9. (NB! Matiné kl. 14.00), 11., 13. og 15. oktober.
